Актуелниот светски првак во Мото ГП шампионатот, Хорхе Мартин ќе ја пропушти првата трка сезонава во Тајланд.
Според вестите од Шпанија, возачот на Априлија ја повредил левата рака на тренинт, па во вторник ќе мора да оди на операција. Тоа значи дека тој сигурно нема да биде во Бурирам, а од опоравувањето зависи кога ќе се врати на патеката за да се бори за бодови.
За инцидентот се огласи и екипата на Априлија, во која Мартин се приклучи од Дукати на почетокот на оваа сезона.
„Хорхе ја повреди раката и ќе биде опериран во Барселона. Тој сигурно ќе ја пропушти трката во Тајланд. Него ќе го замени Лоренцо Савадори“, стои во соопштението на Априлија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
