Едриличарите на „Акватика Јахтинг“ од Охрид постигнаа убав успех на балканскиот „Шарлов куп 2024“ кој изминатиов викенд се одржа во Смедерево, Србија, во организација на Бродарскиот клуб „Металац“ од Смедерево.
На натпреварувањето во класите Оптимист, Илка 4, Илка 6 и 470, во конкуренција на околу 50 едриличари од седум клубови од Србија, Романија и Македонија, натпреварувачите од „Акватика Јахтинг“ од Охрид освоија шест медали.
Од македонските едриличари, со златен медал во класата Оптимист во женска конкуренција се закити Мила Булатовиќ, сребрени медали освоија Софија Ставрева (Илка 6), Дарија Зографска (Оптимист, до 12 години) и Петар Филоски (Оптимист, до 14 години), а бронзени одликувања освоија Јана Неданоска (Илка 6) и Илина Гаџовска (Илка 4).
РЕЗУЛТАТИ
ЛАСЕР – ИЛКА 6
1. Милош Илиќ (БК Металац – Смедерево, Србија)
2. Софија Ставрева (Акватика Јахтинг, Охрид)
3. Јана Неданоска (Акватика Јахтинг, Охрид)
ЛАСЕР – ИЛКА 4
1. Исидора Ковачевиќ (ЈК Београд, Србија)
2. Јована Степановиќ (ЈК Београд, Србија)
3. Илина Гаџовска (Акватика Јахтинг, Охрид)
ОПТИМИСТ – ГЕНЕРАЛЕН ПЛАСМАН, ЖЕНСКИ
1. Мила Булатовиќ (Акватика Јахтинг, Охрид)
2. Матија Ненадовиќ (ЈК Београд, Србија)
3. Уна Голубовски (ЈК Гемакс, Србија)
ОПТИМИСТ – ДО 12 ГОДИНИ, ДЕВОЈКИ
1. Катарина Прица (ЈК Београд, Србија)
2. Дарија Зографска (Акватика Јахтинг, Охрид)
3. Нева Бурчул (ЈК Палилула, Србија)
ОПТИМИСТ – ОД 12 ДО 14 ГОДИНИ, МАШКИ
1. Вељко Симоновиќ (ЈК Палилула, Србија)
2. Петар Филоски (Акватика Јахтинг, Охрид)
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
