Албанската фудбалска репрезентација би можела да добие засилување на позицијата лев бек. Грчкиот фудбалер Ставрос Пилиос од АЕК е заинтересиран да игра во дресот на оваа селекција, но навивачите не се воодушевени од идејата Грк да го носи дресот на нивната репрезентација.
Селекторот на албанската фудбалска репрезентација, Силвињо, разговарал со левиот бек на АЕК, Ставрос Пилиос, за потенцијален настап за оваа репрезентација. 25-годишниот дефанзивец има право да игра за Албанија. Неговото семејство е од градот Дрополи на југот од земјата и тој е подготвен да игра за оваа селекција.
„Селекторот на Албанија, Силвињо, и Фудбалската асоцијација го контактирале Ставрос Пилиос да игра за националниот тим на оваа земја. Неговото семејство е од Дрополи во Албанија и тој е подготвен да игра во албанскиот дрес. Тој дал зелено светло по директен разговор со Силвињо“, според извори од Грција.
НАВИВАЧИТЕ НИКАКО НЕ СЕ СОГЛАСУВААТ
Сепак, навивачите на Албанија не се многу воодушевени од идејата Гркот да игра за нивниот тим. Барем голем број од нив.
„Не смееме да дозволиме грчка крв во нашата репрезентација. Не ни требаат валкани Грци“, е еден од коментарите на еден незадоволен навивач кој добил одговор од еден навивач.
„Тој е од Дрополи, грчко малцинство, но е дел од Албанија. Не гледам никаков проблем.“
Одговорот беше готов и жесток: „Нашето мислење од југ треба да биде повеќе важно. Тие се полоши од Србите. Сите изгледаат безопасно, но се полоши од Србите.“
Секако, има и такви кои се за неговото вклучување.
„Тој е навистина човек од грчкото малцинство. Добро го познавам неговото семејство. Убаво е што можеме да размислиме за уште еден лев бек. Сепак, тој нема шанси против Митај во репрезентацијата.“
Пилиос ја започна својата кариера во ПАС Јанина, играше за Ираклис, а од 2023 година е член на АЕК.
Тој би можел да дебитира во репрезентацијата на Албанија во плејофот за Светското првенство на 26 март против Полска. Во случај на победа, Албанците одат на подобриот од дуелот меѓу Украина и Шведска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
