Ракометарите на Алборг славеа на домашен терен против Колштад со 27-25 во скандинавското дерби како дел од мечот на неделата во 6. коло од новата сезона во Лигата на шампионите.
Домаќините одлично го отворија натпреварот и веќе на полувреме заминаа со голема предност од пет гола разлика (17-12). Во второто полувреме Данците во еден момент имаа и плус седум (21-14), но гостите во 53. минута успеаја повторно да се вратат на само минус два (23-21).
Сепак, на крајот домаќините успеаја да ја задржат предноста и да стигнат до конечен триумф од 27-25. Хоксер Хангард со седум гола беше најефикасен во победничкиот табор, додека на голот повторно феноменален беше Никлас Ландин со 16 интервенции. Кај поразените залудни беа десетте погодоци на Сандер Сагосен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
