Тренерот на Јувентус, Масимилијано Алегри со реакција по високиот пораз на Јувентус од Наполи. Торинскиот тим загуби со 5-1 во Неапол, и така речиси пропушти можност да го стигне на првата позиција, а сега Елиф Елмас и соиграчите се одлепија од првата позиција и се доближија до титулата.
Алегри коментираше дека поразот е заслужен, но дека неговиот тим треба да се опорави од ова и да не се прават повеќе грешки.
„Противникот одигра добар натпревар, а нас ни недостасуваше енергија. На 2-0 го имавме најдобриот момент на натпреварот. Вакви мечеви се случуваат еднаш годишно. Треба да ги кренеме главите, да се опоравиме, има уште многу натпревари пред нас. Се чинеше дека можевме да примиме гол во секој момент од мечот. Ова е заслужен пораз, примивме гол во ситуации кои лесно можеа да се предвидат. Не треба да се распаѓаме затоа што претходно победивме на осум натпревари по ред и треба да се вратиме на тој пат. Постојат вакви денови“, рече Алегри.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
