Тренерот на Јувентус, Масимилијано Алегри беше воодушевен од успехот на неговиот тим на стартот од сезоната во Серија „А“ и победата над Удинезе од 3-0.
Сепак, тренерот кажа дека на оваа победа не треба да се дава многу до значење, и дека постојат работи кои мора да се подобрат.
„Постојат два елементи во кои треба да се подобриме. Во вториот дел требаше да ја држиме повеќе топката, но мора да признаеме дека беше премногу топло. Исто така треба да ги намалиме грешките во одбраната. Да правиме такви грешки на 3-0, во друг натпревар може да бидат многу комплицирани“, рече Алегри.
Тој додаде дека мора најдобро да се користат квалитетите на играчите.
„Со висок притисок да им помогнеме на напаѓачите. Ќе мораме многу да се подобриме. Ова е само една победа, и да останеме приземјени затоа што не ги решава нашите проблеми“, изјави тренерот на Јувентус.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
