Лошата серија на резултати на Јувентус продолжи и во натпреварот од 25. коло од италијанското првенство во кој „старата дама“ ремизираше со 2-2 на гостувањето кај Верони одново испуштајќи значајни бодови во битката за титула која ја води со Интер.
Разочарувањето по натпреварот не го криеше тренерот на Јувентус, Масимилијано Алегри кој изјави дека неговиот тим го нема истот став од почетокот на сезоната кога „старата дама“ бележеше одлични резултати.
„Можевме и да го загубиме натпреварот, иако пропуштивме три, четири чисти шанси. Не излегуваме на терен со истиот став кој не тераше да победуваме како во првите четири месеци од сезоната. Фудбалот е таков спорт што можеш долго да градиш нешто и многу брзо да го уништиш“, изјави Алегри.
Серијата од четири натпревари без победа го оддалечи Јувентус девет бодови зад лидерот на табелата Интер кој воедно има и натпревар помалку.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
