Вардар стигна до триумф против Кјелце од 28-27 со кој ќе презими на второто место во групата од Лигата на шампионите.
Вниманието од пресметката со Полјаците го привлече и односот на преполниот „Јане Сандански“ кон поранешните „вардарци“ Алекс Душебаев и Лука Циндриќ. Душебаев пречекан со свирежи поради дуелот со Шишкарев од претходнит меч во Полска, а Циндриќ дочека со овации од навивачите.
Душебаев по мечот не сакаше да коментира за свирежите од трибините кои некогаш го славеа до бескрај, а Циндриќ се заблагодари на поддршката од вардаровите навивачи.
„Секогаш носам убави спомени од Скопје. Секако дека ми значат аплаузите во оваа сала, сега и кога сум со противнички тим. Затоа искрено им благодарам на вардаровите навивачи“ – истакна Циндриќ по натпреварот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
