Александар Трајковски денеска објави дека ја завршува својата репрезентативна кариера, во која големиот ас постигна низа исклучително важни погодоци за македонската репрезентација.
Трајковски беше крајно разочаран од одлуката на селекторот Седлоски да не му даде ниту минута на баражот со Копенхаген, неговата сопруга реагираше со објава на социјалните мрежи, по што самиот Трајковски побара да не биде дел од тимот за следниот меч со Република Ирска.
Голгетерот кој имаше 98 настапи во националниот тим, само два помалку од сегашниот селектор Седлоски, за жал нема да стигне до посакуваната „стотка“.
Денес стојам пред вас со срце полно емоции…Од првиот ден кога го облеков дресот, знаев дека тоа не е само обврска – туку чест, гордост и одговорност која не може да се опише со зборови. Да ја претставуваш својата земја, својот народ, своето семејство… Тоа е нешто што се чувствува, не се објаснува. Секој повик во репрезентацијата за мене беше како прв. Истата возбуда, истата трема, истата желба да дадам сè од себе. Секој натпревар беше битка, секој гол – момент кој ќе го носам во срцето засекогаш. Но повеќе од сè, ќе ги паметам луѓетo,соиграчите кои станаа браќа, кои веруваа во мене и сите оние кои беа дел од ова патување.
Имаше и тешки моменти… Порази кои болеа, но и победи кои не учеа што значи вистинска радост. Во сите тие моменти, едно нешто никогаш не се промени – љубовта кон дресот и желбата да се даде максимумот за нашата земја. Сепак, во изминатиот период чувствувам дека мојот труд,и залагање не беа доволно вреднувани. Посебна благодарност до навивачите,вие бевте нашата сила кога беше најтешко, нашиот ветер во грб кога ни требаше најмногу.
Ова не е лесна одлука…Заминувањето боли, но истовремено носи и гордост. Гордост што имав чест да бидам дел од оваа репрезентација и да го носам овој дрес со срце. Репрезентацијата не е само тим – тоа е семејство..Ви благодарам на сите за довербата, подршката и љубовта низ сите овие години. Ви благодарам што ми дозволивте да го живеам мојот сон.
Со крената глава и полно срце… Се повлекувам..
Со почит…Александар Трајковски ❤️🇲🇰
View this post on Instagram
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
