Нашиот најдобар фудбалски судија, интернационалецот Александар Ставрев ќе ја отвори за македонските меѓународни судии новата сезона во квалификационите натпревари за европските купови.
Од страна на Судиската комисија на УЕФА тој е одреден да биде главен судија во првото квалификационо коло во Лигата на шампионите на мечот меѓу првакот на Малта, Хамрун и шампионот на Гибралтар, Линколн. Мечот се игра на 9. јули.
Ќе му помагаат Дејан Костадинов и Гоце Петрески, четврти судија ќе бијде Јован Качевски. Ова е вторпат во богатата судиска кариера Ставрев да суди на Малта. Во 2015 година го судеше натпреварот во квалификациите за Европското првенство меѓу Малта и Бугарија кој заврши 0-1. И тогаш му помагаше Дејан Костадинов, втор помошник, беше Марјан Кировски, четврти судија Дејан Јакимовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
