Тренерот на Црвена звезда, Душан Алипијевиќ по мечот со ФМП истакна дека повредата на Перо Антиќ е санирана, па искусниот македонски кошаркар ќе биде подготвен за ЦСКА Москва, дуелот во рамките од Евролигата закажан за во среда. Звезда покрај отсуството на Антиќ, во победата против ФМП настапуваше без Лазиќ и Бјелица, но против рускиот гигант, ростерот на „црвено-белите“ ќе биде комплетиран.
„Составот го сменивме поради преуморниот Лазиќ, додека Бјелица моравме да го одмориме за ЦСКА. Добра вест е дека повредата на Антиќ е санирана, па можам да кажам дека на мечот против екипата од Москва ќе настапиме во најсилен можен состав. Тоа беше целта на ротацијата на овој меч (против ФМП), да ги одмориме носителите на играта, но и да видиме што знаат играчите кои повеќе се на клупата. Имајќи во предвид како се движеше резултатот, не е тајна дека со „резервистите“ не игравме феноменално“, истакна Алимпијевиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
