Клубовите од Саудиска Арабија не запираат со преговорите со врвни фудбалери од Европа, па така Ал Ахли на нашиот Езгијан Алиоски е во завршни преговори за засилување од Атлетико Мадрид.
Станува збор за Маркос Љоренте, шпанскиот репрезентативец кој одлично се снаоѓа на неколку позиции во тимот и кој во следните 24 часа би требало и официјално да се пресели во Ал Ахли. Тој има уште една година од договорот со Атлетико, па мадридскиот клуб е подготвен да го продаде за „само“ 20 милиони евра, далеку пониска сума од неговата вредност на пазарот.
Љоренте веќе ги има договорено личните услови за тригодишен престој во Ал Ахли и го чека само исходот на преговорите од клубовите пред да замине на лекарски прегледи и потпис во Саудиска Арабија.
Ал Ахли е еден од најактивните тимови на пазарот, откако ги доведе голманот на Челси, Менди, потоа Фирмино од Ливерпул, Марез од Манчестер Сити и Сан Максиман од Њукасл.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
