Македонскиот репрезентативец Езгијан Алиоски, по речиси три месеци, се врати во првиот тим на Фенербахче кој лесно триумфираше со 4-1 против Кајсериспор за пласман во полуфиналето на турскиот куп.
Алиоски последен пат претходно беше стартер за Фенербахче на 15. јануари на првенствениот натпревар против Газиантеп, а сега се најде во почетниот состав на дуелот на кој тимот од Истанбул целосно доминираше.
Фенербахче уште во првото полувреме со двата гола на Мор поведе со 2-1, а потоа во второто полувреме погодија и Дурсун и Гулер. Алиоски го одигра целиот натпревар за Фенербахче кој во полуфиналето ќе се соочи со Сиваспор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
