Ракометарите на Алкалоид славеа на домашен терен против Охрид со … во последниот натпревар од регуларниот дел од сезоната во Суперлигата на Македонија.
Тимот од Автокоманда одигра чесно до крај иако овој меч не им значеше ништо и секако на крајот е третопласиран во оваа фаза од натпреварувањето.
Сепак, доколку загубеше Алкалоид, Вардар ќе беше прв и ќе пренесеше еден бод во плејофот. Сепак, со триумфот на Алкалоид на крајот Пелистер заврши како првопласиран и со предност ќе влезе во плеј-офот.
Иако Алкалоид имаше предност по првото полувреме од пет гола 17-12, Охриѓани успеаја да се вратат и да стигнат до израмнување во вториот дел 22-22. Сепак, домаќините одиграа одлично во последните петнаесет минути во кои одличен беше голманот Благојче Траковски и на крајот славеа со 29-26.
Mартин Серафимов со осум гола беше прво име во победничкиот табор, додека кај поразените Теимураз Орјоникидзе постигна девет гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
