Алкалоид оствари историски успех со пласманот во полуфиналето од ЕХФ Европскиот куп, а европската куќа на ракометот денеска и официјално ги утврди термините за претстојниот двомеч против Рунар Сандефјорд од Норвешка.
Македонскиот клуб ќе биде домаќин на првиот меч, закажан за 20 април во 19 часот, што ќе биде одигран во салата „Автокоманда“. Постоеја најави дека ова полуфинале би можело да се игра во СЦ „Борис Трајковски“, но управата на Алкалоид сепак се реши за салата во која е домаќин цела сезона, во која избраниците на Лазаров имаат максимален ефект.
Реванш дуелот меѓу Сандефјорд и Алкалоид е закажан за 27 април во 17 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
