Македонскиот вицепрвак Алкалоид го одигра својот прв контролен натпревар во рамки на подготовките што клубот ги одработува во Стара Пазова. Алкалоид славеше над хрватскиот Нексе со 29-27.
Алкалоид клучната разлика ја направи во финишот на првото полувреме кога со серија од 5-0 стигна до водство од 15-10, а на полувреме се замина со резултат 15-11 за македонскиот тим.
Во второто полувреме Алкалоид на неколку наврати имаше и највисоки плус шест, а до крајот го исконтролира мечот за конечни 29-27. Давид Савревски со пет гола, Марко Митев и Игор Ѓоргиев со по четири и Иван Џонов и Марко Стојковиќ со по три гола беа најефикасните играчи во редовите на Алкалоид. Утре, Алкалоид и Нексе ќе одиграат уште еден контролен натпревар.
Победа во контролен дуел славеше и Еурофарм Пелистер 2 кој беше подабр од Струга со 33-27. Бутел Скопје забележа победа со 29-26 против екипата на Куманово.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
