Карлос Алкараз го одигра најдобриот меч на Вимблдон славејќи над Рубљов со 3-1. Со оваа победа шпанскиот тенисер се пласираше во четвртфиналето на најславниот тениски турнир во светот и стигна чекор поблиску до одбрана на титулата.
Алкараз не го криеше задоволството по крајот на мечот велејќи дека ова за него била најдобрата партија во досегашниот дел од турнирот.
„Го одиграв мојот најдобар меч на турнирот досега. Се чувствувам неверојатно. Андреј има еден од најсилните удари, ако не и најсилен. Знаев дека од вториот сет ќе играм подобро, а кога направив брејк се се промени“, изјави Алкараз по крајот на средбата.
Во четвртфиналето Шпанецот го очекува меч против Нори кој славеше во последниот меѓусебен меч.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
