Најдобриот тенисер во светот, Карлос Алкараз, не очекуваше дека Данил Медведев ќе биде толку агресивен во полуфиналето на Индијан Велс.
Русинот го изненади и го победи Aлкараз во два сета, со 6-3, 7-6.
„Морам да искажам големи пофалби за Медведев. Мислам дека одигра неверојатен натпревар од почеток до крај. Никогаш не сум го видел да игра така. Ја заслужи победата и финалето“, вели Алкараз и додава:
„Она што најмногу ме изненади беше колку агресивно го играше целиот натпревар. Знаев дека ќе се обиде, но начинот на кој го направи тоа навистина ме изненади. Не направи толку многу грешки колку што мислев. Условите беа различни, топката отскокнуваше високо. Секогаш беше добро позициониран при враќањето.“
Серијата од 16 победи беше прекината.
„Во моментов сум малку разочаран, но во исто време се обидувам да ги разберам позитивните работи. Кога противниците играат на ова ниво за да ве победат, тоа значи дека мора да бидете подготвени за тоа во секој натпревар. Сè што останува е да го прифатите тоа, да продолжите понатаму и да учите од вакви натпревари“, рече Карлитос.
A chart-topping performance 💎@DaniilMedwed is into his 11th Masters 1000 final after a scintillating 6-3, 7-6(3) win over Alcaraz! @BNPPARIBASOPEN | #TennisParadise pic.twitter.com/bEViZiYssc
— ATP Tour (@atptour) March 15, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
