Шпанскиот тенисер Карлос Алкараз доминира на тениските терени. Првиот тенисер на светот на мастерсот во Токио стигна до нов титула добивајќи го финалето против Американецот Тејлор Фриц и за овој успех заработи 416 илјади долари.
Покрај самата награда од Токио, Алкараз доби и бонус од милион долари бидејќи оваа сезона собра најголем број на бодови на турнирите од серијата 500. Победи во Ротердам, Квинс и Токио, играше финале во Барселона и четвртфинале во Доха па со 1.930 освоени бодови е далеку пред конкурентите.
Алкараз ја предводи и листата на тенисери со најголем број на освоени бодови на турнирите од мастерс 1000 серијата каде има вкупно 3.410, далеку пред Драпер и Мусети па како водечки му се „смешка“ и бонус од 4.5 милиони долари од вкупниот фонд кој брои 21 милион долари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
