Шкендија го врати во тимот 21-годишниот лев дефанзивец Алмир Реџепи, кој во минатиот период беше на позајмици во Велазерими, Гостивар и Беса.
21-годишниот лев бек се враќа во првиот тим на Шкендија, откако мина период во екипи во втората лига. Алмир Реџепи кој беше дел од младите категории на Шкендија, во јануари 2020 година го потпиша првиот професионален договор со црвено-црните, а потоа беше испратен на позајмица, прво во Велазерими, а потоа и во Гостивар и Беса. Неговите настапи цело време беа под надзор на стручниот штаб на Шкендија и прикажаните настапи го убедија да се врати во тимот со продолжување на соработката до 2025 година.
Голманот Астрит Амзаи е позајмен во Гостивар. 20-годишниот голман оди на позајмица во следните шест месеци, додека Октај Ракипи оди исто така на позајмица во Беса.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
