Фернандо Алонсо вчера настрада по сообраќајна несреќа во Лугано, Швајцарија. Шпанецот бил удрен од автомобил додека возел велосипед во кружен тек, по што бил пренесен во болница со сериозни повреди.
Алонсо помина со повреда на вилицата, која беше преместена, но беше вратена на своето место со мала операција. Покрај тоа, Шпанецот остана без неколку заби, кои беа скршени по сообраќајна несреќа. По пристигнувањето во болницата во Берн, Алонсо се пожалил на болки во градите и ребрата, но лекарите утврдиле дека нема сериозни повреди во тој предел од телото, освен набиеници. Алонсо ќе биде во болница два дена, а потоа треба да биде пуштен на домашна нега.
Полицијата сè уште ја истражува несреќата во која 42-годишна жена налета на Алонсо во кружен тек. Наводно се свртела многу нагло и Алонсо немал време да реагира. Не е ниту познато дали Алонсо ќе биде подготвен за неговата повратна сезона во Формула 1, која започнува точно за еден месец. Тој треба да вози за тимот на Алпин-Рено.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
