Ракометарите на Еурофарм Пелистер вечерва го освоија и четвртиот бод во Лигата на шампионите, играјќи нерешено против Фредериција 29-29. Пелистерци имаа предност од еден гол, испуштија напад за +2, а потоа со два брзи гола, данскиот тим дојде до предност, која беше анулирана за на крај реми.
Ова беше деби за новиот тренер Раул Алонсо во Лигата на шампионите, кој по средбата истакна дека е горд на екипата за борбата на теренот.
„Беше ова за мене посебен меч. Имавме многу кратко време да се подготвиме. Воодушевен сум од атмосферата, од пречекот на навивачите, и горд сум на борбата на играчите на теренот. Не се откажавме, се боревме цело време, и бркавме негатива. Во првиот дел не бевме добри, но во вториот дел знавме дека можеме да се вратиме со помош на публиката. Имавме шанси и да победиме, но бодот на крај е добар за нас. Се надевам само дека во идниот период ќе немаме проблеми со повреди“, рече Алонсо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
