Репрезентацијата на Аргентина е првиот финалист на Копа Америка. Бранителот на титулата во ова натпреварување и актуелен светски првак ја совлада Канада со 2-0 на стадионот „Мет Лајф“ во Њу Џерси пред 80.102 гледачи.
Со тоа Меси и другарите добија можност да го бранат пехарот, а нивниот противник ќе биде подобриот од дуелот Уругвај – Колумбија кој се игра рано наутро во 2 часот.
Аргентина поведе во 22. минута кога Хулијан Алварез ја затресе мрежата на Канаѓаните по додавањето на Родриго де Пол. Така, Канада за првпат по десет натпревари прими гол во првото полувреме. Џонатан Дејвид го тестираше Емилијано Мартинез со удар од неколку метри кон крајот на првото полувреме, но Аргентина успеа да се одбрани.
JULIAN ALVAREZ GOAL FOR ARGENTINA IN THE SEMI FINAL SHOWING UP WHEN IT MATTERS pic.twitter.com/o5WHmNaip0
— 17 (@DxBruyneSZN) July 10, 2024
По само шест минути игра во вториот дел, по вистинскиот карамбол пред канадскиот гол и ударот на Енцо Фернандез, Лионел Меси постигна гол за конечни 2:0. Тоа беше негов 109. гол за „гаучосите“, а ѕвездата на тимот сега има 28 гола на последните 25 натпревари за Аргентина.
No Lionel Messi fan scroll without liking this goal pic.twitter.com/D5ZBViR9RM
— LSPN_FC (@LSPN__FC) July 10, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
