Аргентинскиот напаѓач Хулијан Алварез ги известил челниците на Манчестер сити дека сака да го напушти клубот ова лето. Брилијантниот Аргентинец го предводи нападот на репрезентацијата на Копа Америка и го чека финалето против Колумбија. Но, во сенка на тој турнир побара трансфер од шефот на англискиот шампион.
Причината е неговиот статус. Иако имаше зголемување на минутажата во однос на претходната сезона, Аргентинецот не е задоволен од тоа што се уште е втора напаѓачка опција зад Ерлинг Халанд.
Во прилог оди и фактот што ја одбил понудата за нов четиригодишен договор. Сепак, на „Етихад“ се подготвени да ги продолжат разговорите и да го убедат да остане, меѓутоа, доколку не успеат, подготвени се да го продадат за не помалку од 90 милиони евра.
Прв во редот кој го чека овој исход е Пари Сен Жермен. Минатата сезона Алварез постигна 13 гола и забележа 11 асистенции на 54 натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА