Како и многу европски ѕвезди, Ријад Махрез (33) реши да го напушти стариот континент и да се предаде на името на петродоларот. Минатото лето, по освојувањето на Лигата на шампионите, тој го напушти Манчестер Сити во Ал Ахли , една од големата четворка во Саудиска Арабија. Алжирецот потпиша договор со Ал Ахли до летото 2027 година и стана најплатениот играч на тој саудиски клуб.
Клубот очекуваше Махрез да биде лидер и да ги оправда вложените пари. Освен што заработуваше по еден милион евра неделно, или 52 милиони годишно, Ал Ахли за своето обештетување плати и 35 милиони евра. Меѓутоа, после година и пол сфатиле дека не го добиле тоа што го сакале.
Оваа сезона Махрез на 19 натпревари постигна шест гола и забележа седум асистенции, што не е лоша статистика. Но, неговиот настап во ремито против ирански Естеглал во азиската Лига на шампиони ги разбесни навивачите. Ал Ахли во тој меч влезе како голем фаворит, но не победи и одигра само 2-2.
„Не можете да го споредите Манчестер Сити и ова тука. Треба сите мои соиграчи да играат добро. Јас сум тимски играч. Не сум јас Меси. Не можам сам да ја земам топката и да правам се. Ако тимот игра добро, и јас играм добро“, рече Алжирецот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
