Американката Микаела Шифрин победи на супервелеслаломската трка која денеска се возеше во Банско, Бугарија.
Извонредната Шифрин славеше со време од 1:10.88, па дополнително си ја зацврсти водечката позиција во генералниот пласман во Светскиот куп.
На второто место заврши италијанската скијачка Марта Басино, додека трета беше Лара Гут-Бехрами.
Во генералниот пласман Шифрин е убедлива со 1225 бода, втора е Федерика Брињоне со 855 бода, а трета е Петра Влхова со 830 бода.
Шифрин, со денешната победа, го презеде водството и во вкупниот пласман во супервелеслалом. Сега е на чело со 186 бода пред Корине Шутер која има 150 бода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
