Американската кошаркарска репрезентација во Лас Вегас ги започна подготовките за Светското првенство на кое, според сите проценки, ќе биде еден од фаворитите за златото.
На тоа укажуваат и имињата во тимот на Стив Кер, каде што нема ѕвезди, но има многу квалитетни кошаркари. На вториот работен ден во Лас Вегас, Американците одиграа и пријателски натпревар – меѓу себе.
Бидејќи немаше официјална статистика, а на новинарите не им беше дозволен пристап до тој меч, јавноста беше лишена од информации и детали за дуелот на играчите со кои Стив Кер ќе игра на Мундобаскетот.
На едната страна беше тим кој според реномето на играчите и квалитетот треба да биде напаѓачка навала на репрезентацијата на Мундијалот. Тие исто така треба да бидат стартери, иако Кер вели дека „сè уште не се одлучил за стартна петорка“ и дека сè уште пробува одредени работи.
Мечот траеше двапати по десет минути, а „резервистите“ победија со резултат 47-39. Првиот вистински тест САД ќе го имаат во понеделник кога ќе играат против Порторико, а потоа ќе патуваат во Европа на турнир каде ќе ги одмерат силите против Шпанија и Словенија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
