Бруно Фернандеш е фудбалерот околу кого Рубен Аморим планира да го гради тимот на Манчестер Јунајтед, па португалскиот стратег децидно ја затвори вратата за заминувањето на својот сонародник од „Олд Трафорд“ во текот на летниот преоден рок.
Реал Мадрид покажа интерес да го доведе Бруно како замена за Лука Модриќ, но Аморим јасно стави до знаење дека Фернандеш и во следната сезона ќе го носи дресот на Манчестер јунајтед.
„Бруно е наш фудбалер и нема да си замине. Тоа нема да се случи, кратко и јасно. Тој е токму онаков профил на играч каков што ни е потребен за лидер на тимот, нема да се пресели ниту во Реал ниту во било кој друг клуб. Тој има 30 години, но се уште е млад, игра по 55 натпревари во сезона, има толкку многу голови и асистенции… Јас веќе разговарав со него и му кажав, неговата иднина е во Манчестер и нема да му дозволиме да си замине летово“, истакна Аморим.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
