Новиот тренер на Манчестер Јунајтед, Рубен Аморим го пофали стоперот Хари Мегваер за неговите одлични партии сезонава. Англичанецот, конечно, заигра како што од него се очекува, и затоа стигнаа низа на пофалби, меѓу кои и од тренерот.
Во изминатите сезони, стоперот често беше мета на критики и на потсмев кај многумина фудбалски љубители поради неговите несекојдневни киксеви. Сега за Аморим тој е важна алка од тимот на Манчестер сезонава, кому не му цветаат рози.
„Мегваер е играч кој работи многу добро. Фокусиран е на работата и не е тоа што зборуваат луѓето. Имал тешки моменти, но одлично ги преброди. Во овој случај тој е пример како треба да се преброди криза“, рече Аморим.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
