Рубен Аморим се повеќе го чувствува притисокот од јавноста откако новиот тренер загуби уште еден меч на домашен терен со Манчестер Јунајтед, овојпат од екипата на Њукасл со 0-2, примајќи два гола во катастрофалните први 30 минути од мечот што ги одигра неговиот тим.
„Јас не дојдов овде за да се правдам и да смислувам изговори, мислам дека на луѓето во клубот и на нашите навивачи веќе им здодеа да слушаат изговори. На Манчестер Јунајтед му е потребна шок-терапија, сите треба да го разберат ова што го говорам“, изјави Аморим.
„Црвените ѓаволи“ се наоѓаат на 14. место на табелата и се погласни се коментарите дека тимот не само што нема да се бори за излез во Европа, туку до крајот на сезонава ќе го очекува битка за опстанок.
„Тоа е јасно, видете ја табелата…. мораме да се бориме. Ова е навистина тежок момент, еден од најтешките во историјата на Манчестер Јунајтед, но мораме да бидеме чесни, да го прифатиме како таков и заеднички да најдеме излез. Мораме да се бориме на секој натпревар, тоа е прво на списокот“, порача португалскиот стручњак на клупата на „црвените ѓаволи“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
