Тренерот на Манчестер Јунајтед, Рубен Аморим, беше доста директен во врска со можниот трансфер на Виктор Ѓокереш на „Олд Трафорд“. Напаѓачот на Спортинг Лисабон има фантастична сезона со тимот на „Лавовите од Лисабон“ и досега постигна 38 гола, што го става во конкуренција за „Златната копачка“. Шведскиот интернационалец беше доведен од Хозе Алваладе токму додека Аморим беше на чело, а исклучително лошите перформанси на напаѓачите на „Црвените ѓаволи“ логично ја направија темата за засилување во нападот една од најактуелните, а името на Ѓокереш едно од оние што се поврзуваат со „Олд Трафорд“.
Сепак, Аморим беше категоричен дека сака играч кој сака да го претставува клубот, а не само играч кој сака да игра во одредено натпреварување, мислејќи на Лигата на шампионите.
Швеѓанецот пред неколку дена истакна дека сака да игра во клуб кој игра во Лигата на шампионите, а Аморим имаше жесток одговор.
„Не сум разговарал со Виктор, но ако играч само сака да дојде во Манчестер Јунајтед за да игра во Лигата на шампионите, таков играч нема да дојде кај нас. Сакаме играчи кои сакаат да го претставуваат клубот, а не оние кои сакаат да играат во одредено натпреварување“, рече Аморим.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
