По синоќешниот понижувачки пораз од Барселона во финалето на Суперкупот, Карло Анчелоти веднаш активираше барање за ангажман на итно засилување на Реал Мадрид.
Уште во текот на денешниот ден, како што пренесуваат шпанските медиуми, Анчелоти побарал од Флорентино Перез ангажман на нов десен бек уште сега, во месец јануари. Дани Карвахал отсуствува до крајот на сезоната, Лукас Васкез не одговара најдобро на предизвиците а Федерико Валверде е понеопходен како опција во средниот ред.
Токму затоа, не е тајна дека Анчелоти побарал од Перез уште во јануарскиот преоден рок да биде доведен фудбалерот на Ливерпул, Трент Александер-Арнолд кој веќе извесен период е на радарот на „кралевите“.
Англискиот репрезентативец беше планиран како засилување за крајот од сезоната со оглед на тоа што тогаш како слободен фудбалер му истекува договорот со Ливерпул. Но, сега нештата се променети. Сепак, се ќе зависи и од Ливерпул дали среде сезона ќе сака да се откаже од него, ако се знае дека „црвените“ силно атакуваат на титулите во Англија и во Лигата на шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
