Италијанскиот стручњак Карло Анчелоти, ги коментираше најавите од бразилската федерација дека би можел да биде идниот селектор на Бразил. Моменталниот тренер на Реал Мадрид ги демантира овие најави, и вели дека сака да биде дел од „кралевите“ до крајот на кариерата.
Во последно време се повеќе се споменува Анчелоти како нов селектор на Бразил. Тоа го откри и голманот Едерсон, кој на собирот на националниот тим кажа дека играчите на Реал му зборувале за Анчелоти.
Меѓутоа Анчелоти вели дека е среќен на клупата на Реал.
„Сакам да продолжам со Реал Мадрид. Среќен сум тука. Го кажав тоа веќе многу пати, и подготвен сум да ја завршам кариерата во Реал Мадрид“, изјави Италијанецот.
Договорот на Анчелоти со Реал му е до јуни 2024 година. 63-годишниот стручњак по вторпат се врати во Реал Мадрид, и успеа во првата своја сезона одново да ја освои титулата во Лигата на шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
