Карло Анчелоти вели дека Реал Мадрид ќе мора добро да ја искористи репрезентативната пауза за консолидирање на редовите пред големата пресметка со Ливерпул во Лигата на шампионите.
Шпанскиот клуб игра далеку под очекувањата на стартот од новата сезона, пред се во Ла Лига, поради што Анчелоти смета дека и гостувањето во Англија ќе биде многу тешко ако не се промени формата на тимот и индивидуалците.
„Мора да работиме на подобрување на играта во сите сегменти. Свесни сме дека имаме многу недостасоци, грешки, аномалии во играта кои ќе мора да се решат. По паузата ни доаѓа дуел со Ливерпул. Ако играме како минатиот месец, мислам дека Ливерпул ќе не прегази. Англичаните играат во извонредна форма и прикажуваат феноменални игри. Немаме повеќе простор за грешки и импровизации. Играчите сами треба да знаат колку треба да дадат за да се вратат резултатите“ – вели Анчелоти.
Реал Мадрид низ досегашниот тек од ЛШ има само две победи поради што му се неопходни идни победи за задржување на шансите за пласман во плеј-офот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
