Тренерот на Реал Мадрид, Карло Анчелоти беше воодушевен од играта на Лука Модриќ во победата против Атлетико во дербито од 17. коло на шпанскиот шампионат.
Кралскиот клуб славеше со 2-0 и задржа осум бода повеќе на лидерската позиција во однос на Севиља.
„Го гушнав Лука и му честитав бидејќи беше извонреден. Неговата игра беше неверојатна, тој прави магија на теренот“, потенцираше Карло.
Италијанскиот селектор е посветен да го задржи капитенот на хрватската репрезентација на „Сантијаго Бернабез“ до јуни 2023 година. Актуелниот договор на Модриќ истекува на крајот од сезоната, а челниците на клубот се очекува наскоро да седнат на маса со искусниот играч за врска и неговите менаџери. Работата би можела да биде завршена во следните неколку месеци.
36-годишниот фудбалер има освоено 16 трофеи во Реал Мадрид од 2012 година, вклучувајќи четири Лига на шампиони и две Ла Лига.
🚨| Carlo Ancelotti está pressionando pela prorrogação do contrato de Luka Modrić até junho de 2023. Será discutido em breve, e espera-se que seja concluído nos próximos meses.
(@FabrizioRomano) pic.twitter.com/um1opz99IM
— Escritório Madridista (@escrimadridista) December 12, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА