По вчерашниот отказ за Доривал Жуниор по тешкиот пораз од Аргентина (1-4), Бразилската фудбалска федерација веќе размислува за нов селектор на репрезентацијата на оваа земја.
Желба на Бразилците е актуелниот тренер на Реал Мадрид, Карло Анчелоти, и вчера даде краток и јасен одговор дека нема да биде селектор на Бразил, затоа што сака да го испочитува договорот со Реал до јуни 2026.
„Имам договор со Реал и на таа тема немам што да додадам. Ја почитувам бразилската репрезентација, нејзините играчи и навивачи, но јас имам ангажман во моментов“ – истакна Анчелоти.
Па, сега како главен кандидат за нов селектор на бразилската селекција се истакнува Жорге Жесус кој во моментов го предводи Ал-Хилал во Саудиска Арабија. Но, според информациите, нема ништо против да седне на клупата на Бразил што за него е далеку поголем предизвик од овој актуелниот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
