Со години, Бразил беше незамислив без него, но времето и честите повреди го направија Нејмар долго време да не биде дел од репрезентацијата.
Последниот натпревар на поранешната „десетка“ на репрезентацијата на „селесао“ го одигра пред две години против Уругвај – тогаш поради сериозна повреда, тој го заврши натпреварот предвреме.
Бидејќи неговата кариера е во голем пад оттогаш, многумина веруваат дека приказната на фудбалерот на Сантос со Бразил е завршена, сепак тренерот Карло Анчелоти не му ја затвори вратата пред претстојното Светско првенство.
„Нејмар може да игра на највисоко ниво во овој тим без никакви проблеми. Кога е физички подготвен, има квалитет да игра не само за Бразил, туку и за кој било тим во светот. Тој е едноставно таков талент“, рече Анчелоти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
