Карло Анчелоти имаше блескав период како тренер на Милан, остварувајќи резултати со кои стана дел од европскиот крем во својата струка. Летово тој се врати во Италија и седна на клупата на Наполи, а судбината сакаше својот прв дуел во Неапол да го игра токму против својот Милан, прв негов дуел со „росонерите“ по пауза од 17 години.
И имаше што да се види, одличен фудбал, водство на Милан од 0-2, а потоа и неверојатен пресврт на Наполи во второто полувреме и победа од 3-2.
„Милан одигра извонреден натпревар, но по негативата од 2-0 покажавме неверојатна желба да не се откажеме, да веруваме во своите шанси и успеавме да се вратиме. Имам убави спомени од сите мои фудбалери, но со Гатузо секогаш било нешто посебно. Ова беше прекрасна вечер, преполна со емоции за мене“ – изјави Анчелоти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
