Тренерот на Реал Мадрид, Карло Анчелоти, не крие дека неговиот тим го чека тежок натпревар против Манчестер Сити утре на „Етихад” во првиот натпревар од 1/16-финалето во Лигата на шампионите.
Ждрепката сакаше во оваа елиминациска фаза да се соочат двата гиганти кои минаа низ лош период во првиот дел од натпреварувањето.
„Овој натпревар е чиста класика. Ќе биде интересен дуел, како ниту еден друг. Тешко е да се предвиди како ќе заврши, затоа што се ќе зависи од индивидуалниот квалитет, карактетор, желбата…“ – вели Анчелоти пред утрешната пресметка и дополнува:
„Сити, без разлика на формата, располага со тим од највисока класа, па затоа ќе мора и ние да играме со 100% од силите ако сакаме да не бидеме елиминирани. Манчестер Сити е еден од најдобрите во Европа, а Гвардиола еден од најдобрите тренери во ова натпреварување. Пеп даде толку многу фудбалски иновации: посед на топката, играта во нападот, притисок. Вистински фудбалски иноватор за кого чувствувам огромна почит. Тој е еден од најдобрите, ако не и најдобриот. Секогаш кога се соочувам со Пеп ме боли главата, имам кошмари затоа што мора да мислиш на секој детал. Факт е, а тоа го покажаа и изминативе три години, дека кој и да победи сега, ќе оди многу напред во турнирот. Изненадување е дека се среќаваме толку рано, бидејќи можеше да биде финале или полуфинале. Но, ние самите сме си виновни за тоа, а не УЕФА“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
