Италијанскиот стратег Карло Анчелоти ќе го преземе кормилото на азискиот гигант Гвангжу Евергранде, и ќе го наследи Луис Фелипе Сколари на клупата на овој тим. Оваа информација ја објави кинескиот весник „Нанфанг Дејли“, истакнувајќи дека соработката меѓу клубот и тренерот Анчелоти е веќе договорена, а набрзо треба и официјално да биде официјализирана.
По заминувањето од Баерн Минхен, името на Карло Анчелоти се поврзуваше со евентуално враќање во Милан, а има најави и за негово враќање во Премиер – лигата. Но, најверојатно вистинската информација ја имаше Марио Баслер, кој прв објави дека Анчелоти има богата понуда да се пресели во Кина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
