Реал Марид доживеа вистински дебакл во финалето на Суперкупот на Шпанија губејќи со преубедливи 2-5 од големиот и вечен ривал Барселона. „Кралевите“ први поведоа, но веќе до полувремето каталонците направија целосен пресврт постигнувајќи четири голови.
Тренерот на Реал Мадрид, Карло Анчелоти не го криеше разочарувањето по убедливиот пораз.
„Ова беше лоша вечер. Тажни сме како и сите наши навивачи. Не криеме дека сме разочарани, но ова е фудбал. Понекогаш победувате, а понекогаш треба да научите од пораз. Мораме да гледаме напред, нема друга опција.
Не игравме фудбал во првото полувреме. Се браневме слабо, тоа беше проблемот. Не ги притиснавме добро или добро се исправивме во нискиот блок, тие лесно постигнуваа голови. На полувремето реков дека треба да се обидеме да играме фудбал затоа што не игравме тоа во првото полувреме.
Игравме долги топки, а тоа не беше планот. Планот беше да играме, но не го направивме тоа. Им кажав дека можеме да губиме натпревари, но не како што игравме во првото полувреме“, изјави Анчелоти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
