Селекторот на македонската фудбалска репрезентација, Игор Ангеловски, застана во заштита на Горан Пандев, нашиот најдобар фудбалер, кој беше именуван и за амбасадор на Суперкупот на Европа, а не доби можност да присуствува на мегаспектаклот во Скопје, поради недостиг на разбирање од италијанскиот калчолигаш Џенова и неговиот тренер Јуриќ. Тој едноставно не доби дозвола да допатува во Скопје.
„Сите ние уживавме во Суперкупот на УЕФА 2017. Но, на еден човек неправедно му беше одземена можноста да биде присутен и да го направи она што цел свет го очекуваше од него. Но, капитене, ти си најголемиот амбасадор што Р. Македонија го имала!“, напиша селекторот Игор Ангеловски на својот профил на Фејсбук.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
