Брнислав Ангеловски од денеска и официјално е перманентен тренер на македонскиот првак Еурофарм Пелистер, соопшти битолскиот клуб.
Ангеловски беше назначен како в.д. тренер на местото на Шундовски и Јовиќ, но од денеска ја доби целосната доверба на раковоството.
„РК Еурофарм Пелистер ја известува јавноста дека од денес улогата на тренер во нашиот тим целосно му е доверена на Бранислав Ангеловски, така да повеќе нема да ја извршува улогата на привремен, туку на перманентен предводник на екипата. Тој се обврза на договор до крајот на сезоната и утре од 16:00 часот ќе одржи прозивка за вториот дел од сезоната.
Ангеловски активно ја извршуваше улогата на спортски директор, а по заминувањето на Александар Јовиќ и Звонко Шундовски од тренерската позиција, во ноември и декември минатата година ја водеше екипата на четири натпревари од Лигата на шампионите и неколку натпревари од Суперлигата и Купот на Македонија.
Првиот официјален натпревар во 2024 година Еурофарм Пелистер ќе го одигра против Вардар 1961 во првото коло од плеј-офот на Суперлигата. Првиот европски натпревар е на 14 февруари 2024 година против ПСЖ“, стои во соопштението на Еурофарм Пелистер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
