Македонскиот селектор Игор Ангеловски сосема очекувано е задоволен од двата пријателски натпревари во рамките на подготовките за ЕП, искажувајќи притоа и смирувачки тонови дека овој национален тим допрва во Букурешт и во Амстердам го очекуваат вистинските предизвици.
„Овие два пријателски натпревари ги искористивме за тактички подготовки, па резултати се позитивни и велат дека имаме напредок, но не треба да навлегуваме во било каква еуфорија. Допрва следуваат нашите предизвици!“ – истакна Ангеловски на прес-конференцијата по победата над Казахстан, притоа дополнувајќи:
„Мора да кажам дека сега се покажува дека во селекцијата имаме и одлични замени. Денес својата шанса извонредно ја искористија младите Чурлинов и Ристовски. Се покажа дека и тие се иднина на македонската фудбалска репрезентација“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
