Селекторот Игор Ангеловски верува дека националниот тим ќе стигне до очекуваниот триумф против Лихтенштајн токму на денот кога славиме 25 години репрезентативен фудбал.
Ангеловски потврди дека малку загриженост донесоа проблемите со стомачниот вирус кај неколку репрезентативци, но истите веќе се чувствуваат подобро…
“Не загрижи малку проблемот со вирусот кај неколкуте репрезентативци, но поголемиот дел од нив веќе се чувствуваат подобро па ќе видиме кој од нив ќе биде подготвен за настап утре” – вели Ангеловски.
А меѓу оние кои утрово се пожалија на стомачни проблеми се Спировски, Николов, Хасани, Адеми, Цикарски и Ристовски.
“Во секој случај фаворитската улога е наша. Подготвени сме, и кој и да игра верувам дека ќе стигнеме до триумф против Лихтенштајн. Како и претходно без калкулации околу составот ќе играме максимално со желба за триумф” – вели Ангеловски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
