Англија одигра разочарувачки 0-0 против селекцијата на САД, меч на кој „гордиот албион“ во ниту еден момент немаше целосна иницијатива и желба за победа.
Навивачите разбирливо се разочарани, а на удар се најде селекторот Герет Саутгејт и неговите одлуки при водењето на мечот. Имено, фановите не можат да разберат како можеше тој повторно на клупата за резерви да ги остави Трент Александер Арнолд и Фил Фоден, двајца играчи со извонредни офанзивни способности, а во моментите кога Англија требаше да брка победа, на местото на Белингем во игра да го уфрли далеку подефанзивниот Џордан Хендерсон.
„Ни треба гол, а тој го става Хендерсон. Кога видовме што прави, буквално целиот паб каде што го гледавме мечот почна да свири“, коментира еден англиски навивач на Твитер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
