Англиската репрезентација ќе биде осетно ослабена за стартот од квалификациите за ЕВРО 2020 откако Маркус Рашфорд отпадна од комбинација за настап на првите две средби против Чешка и Црна Гора.
Фудбалерот на Манчестер Јунајтед веќе неколку натпревари играше повреден за својот клуб, а по доаѓањето во репрезентативниот табор и деталните прегледи беше утврдено дека ризикот да продолжи да игра е преголем и може да дојде до сериозна повреда. Поради тоа селекторот Саутгејт на денешната прес-конференција обелодени дека Рашфорд дефинитивно нема да биде во комбинација за домашниот дуел со Чешка, како и за наредното гостување во Подгорица.
За очекување е од првата минута во таборот на „гордиот албион“ да се појави тинејџерот Џејдон Санчо, кој има сезона од соништата во дресот на Борусија Дортмунд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
