Пензионираниот француски напаѓач Тјери Анри, смета дека Килијан Мбапе е подобар напаѓач од Ерлинг Халанд. Анри смета дека Французинот може да игра во било која позиција во нападот, додека ситуацијата со Халанд е различна, и тој може да настапува само како централен напаѓач.
Халанд одлично ја почна сезоната во Сити, и беше најзаслужен за убедливиот триумф на Сити против Севилја, додека Мбапе, пак, самиот со два гола го совлада Јувентус.
„Мбапе може да направи шанса и да постигне гол. Халанд само постигнува голови. Мбапе може да игра и на левата и на десната страна, Халанд игра само во средина. Халанд е фантастичен играч, со него Сити минатата сезона би освоил ЛШ. Да имаше тој шанси како оние против Реал Мадрид, сигурно би постигнал гол. Но, засега Мбапе го добива мојот глас“, вели Анри.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
