Тиери Анри како помошник во стручниот штаб на Белгија стигна до мундијалска бронза, но целокупното искуство му помогна на легендарниот Французин да донесе значајна одлука – целосно да се посвети на барањето на тренерски ангажман и да даде отказ од функцијата на стручен ТВ аналитичар на СкајСпортс.
Екс-капитенот на Арсенал уште од 2015 година многу успешно заплови во „новинарски води“, давајќи извонредни анализи на премиерлигашките средби, како и на натпреварите од Лигата на шампионите. Иако работата му беше и одлично платена (четири милиони фунти годишно), легендарниот голгетер сепак реши дека сака поинаков предизвик во животот – тренерски ангажман.
„Сакам да изразам голема благодарност до СкајСпортс за укажаната доверба и за беспрекорната соработка. Сепак, сакам да се насочам кон тренерската работа и максимално да се посветам на таков ангажман, поради што решив да се повлечам од улогата на ТВ-аналитичар“ – соопшти Анри.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
