Фудбалерите на Ајакс апсолутно заслужено ја прекинаа доминацијата на ПСВ Ајндховен во холанскиот фудбал, стигнувајќи до шампионската титула во домашното првенство. За гигантот од Амстердам ова е 34. шампионски трофеј во клупската историја, прв по пауза од пет години, извонредна утеха по несреќната елиминација во полуфиналето од Лигата на шампионите.
Иако вечерва можеа да си дозволат и пораз, избраниците на Тен Хаг одиграа одлично на гостувањето против Де Графшап, триумфирајќи со 1-4 на гостувањето против Де Графшап. Тадиќ ја заокружи извонредната сезона со два погодоци на денешниот натпревар, додека по еден гол постигнаа Шене и Талјафико.
ПСВ Ајндховен во последното коло го совлада Хераклес со 3-1, но тимот на Марк ван Бомел на крајот мораше да се задоволи со епитетот вицепрвак, со три бода заостанување зад Ајакс.
ONE CHAMPIONSHIP,
SO MANY EMOTIONS!❌❌❌#nummer34 pic.twitter.com/c9zlc5HlCE
— AFC Ajax (@AFCAjax) May 15, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА